PLATT LEHREN - KINNERKRAAM

In de verleden Weken hebbt uns vele Lüüd vertellt, dat dat männichmal gor nich so eenfach is mit de Kinners un mit dat Lehren tohuus, mit de Technik, dat Materiaal un de Motivatschoon... Wi weren jüst in Kuntakt mit dat „Institut für Qualitätsentwicklung an Schulen Schleswig-Holstein“ un hebbt al en lütt beten wat op’n Weg brøcht.

Dat gifft nu en Lückentext to uns Leed Lüttje Glück mit Opgaven un Løsungen. Ji køønt dat sülvst eenfach mal utproberen un tosamen mit de Kinners en beten knobeln un blangenbi Platt lehren. Denn man goot toluustern bi de Musik un glieks de richtigen Wøør insetten. Bavento gifft dat nu ok de SOMMERKINNER-Playlist un en Malvørlaag. Veel Spaaß!